樂園嘅萬聖節特色小食當然吸引, 但都唔好忽略酒店區嘅美食.
不同於樂園內嘅食品, 酒店餐廳出品嘅美食未必有太花巧嘅賣相, 但味道同質素上往往都有更大嘅保證.
不過堆甜品賣相其實亦唔弱. 左上幅圖個Jack Skellington Head 好靚.
今個萬聖節可以入香港迪士尼儲下脂肪過冬.
另外都想講一件事, 尋日分享嘅Halloween 樂園小食都獲得好多朋友嘅注意, 當中睇到有朋友嘅分享回覆中, 有「迪士尼返工」嘅朋友充滿自信地表示係美心出品, 或者會令人誤以為樂園所有食品都係美心出品, 甚或餐飲部係由美心集團管轄.
基於講完「迪士尼返工」之後嘅發言某程度上已帶有內部權威標籤, 無論佢嘅說話係真定係假都會被深信, 或者園方需要再注意並加強演藝人員對樂園產品嘅認知.
Search